الثلاثاء، 4 نوفمبر، 2008

الخمس الدقايق عليك والباقي برضو عليك ..

من الطبيعي جداً أن الشخص يحب يطلع قارئ وواعي وفاهم ومثقف بدرجة كبيرة ..يقرأ آخر الأخبار يتابع يحاور ..يقرا أي شي كتب جرايد مجلات حتى الدعايات ويفرح إذا أحد قال عنه متابع أو الجريدة ماتطيح من يده أو إذا لقوا عنده اجوبة لأسئلة الساعة..سبحان الله إلا أنا ..ماحب أحد يرميني ولو من بعيد بالقراءة الجرائدية ولا المجلات ..مو كوني ماحب أقرأ أو ما ألاقي وقت ..لكن أنا كيف أقرأ لأشخاص مدفوع لهم علشان يكتبون أو مجبورين يكتبون وربما أبتدعوا أي فكرة وتبنوا أي سخف لمجرد الاسم والكتابة ..
ماأصدق أي خبر أو أي حدث مصفوف ومرصوص وينباع بريالين ربما كان هناك أزمة أحداث فابتدعوها ..
أحسه شي صعب أضيع وقتي على أخبار ومقالات متنوعه مشوشة مفككة ..
وأفرح كثير يوم أحد يقول عني ماتقرا جرايد ولاتتابع الأخبار ..
ومن هالمنطلق طلقت الجرائد بالثلاث ..حتى بابا حس بهالشي وهو من النوع اللي يقدس الجرائد ويشوفها منطلق الثقافة ولكل جيل نظرتة ..
صار يقراها وبس يخلص يناديني أخذها ..وبالأمر ..(إقريها ..؟)..وأمثل الدهشة والفرحة في عيوني ..((يالله جرايد ..))..وبس ألف من عند الغرفة ماأرميها لأن فيها اسم الله بس أحطها بقوة على الطاولة وإلى الغد ..
.
ماهتم كثير بالاحداث الدائرة من حولي أو بالمجتمع ..عايشه عزلة أو وحدة أو ماعندي دم ..اللي يكون ..لأني ماتابع إلا اللي يخصني ويهمني ويلفت نظري وإنتباهي ..
كل هالكلام مقدمة على الخمس دقائق من الجوال ..
لاحظت هالفترةكثير إنقطاع المكالمة أكثر من مرة بيني وبين صاحبتي وشوية وتنقلب هوشة أنتي قفلتي ..لا والله ..طيب يمكن أنتي لا.. يمكن الأبراج وطوووووط..مكالمة ثانية يابنت روحي غرفة ثانية ..لا أنا متأكدة أنو فصل من عندك لأن الأبراج فل والجهاز جديد مامداه يخرف ..طوووووووووط..
وكملنا ساعة بالعافية من طووووووط ألو ألو طوووووووووووط ألو ألو ..
وعلى آخر المكالمة زفت لي بشرى الخمس دقائق ..وأنه المكالمة مجاناً بس أول خمس دقايق عليك ..وخذي وخلي من المدح في الكرم الطائي ..
وتنير فوق رأسي أبجورة ..أها .. وتبين لي الخبث الدعائي ..لدرج أن المكالمة صارت كلها خمس دقايق مفصلة ..
ياللخيبة ..
إحنا بإمكاننا تحمل صرفيات الفواتيرودفعها لكن نكلم براحتنا ساعة ساعتين من غير منه من أحد وإذا أنتم موقد العروض اللي تنزلوها محد جبركم ..المهم تكون هناك مصداقية وشفافية في الطرح علشان المواطن المسكين اللي صديقتي منهم مايفقد ثقته فيكم ..
(( وكل خمس دقايق وأنتو تكلمون ..؟!))..

هناك تعليقان (2):

زيكو يقول...

هههههههه
جبتيها على الجرح

احنا مو مشكلة بالنسبة لنا المشكلة للأجانب الضعوف

يعني كان الواحد يكلم نص دقيقة ويقفل

الحين يمد 5 دقايق على امل انه يكلم ساعة بعد 7 دقايق يقطع

بالنسبة لي انا دايم اذا كلمت اكلم بين 10 دقايق او نص ساعة

وللحق من بدا العرض مرة وحدة بس قطع

لكن الكل بدا يشتكي من القطع وناس يقولوا مسوين لها برمجة بحيث تقطع

وعلى العموم شركة الاتصالات نصابة ما يختلف اثنين على ذا الكلام

من ايام شريحة الجوال بعشرة الاف

لآفاق DSL اللي يوم يكرمك ويوم يحرمك
لدرجة اني تعلمت ادخل الرواتر واشيل اي واحد يدخل لكن العيب من الاتصال مو من الجيران

واللي يفقع القلب لو بتشتكي ما تدري تروحي لمين

:(

روح..{ يقول...

.

شاشيخه الشكوى لغير الله مذلة ولو بنفصل الخدمات اللي موجودة في حياتنا ماراح نطلع بشي ..كله كذب في كذب ..

وراحت علينا ..

.

اي والله الله يرحم ايام عشرة الآف دنيا ,,
يعين الله

.